Puta

Nagdaan ang mga oras 

at ang gabi ay sumapit.

Hudyat para kay Juan

maghapunan at magpahinga.

Kadiliman sa lansangan 

nahawi ng nabuhay ang gabay ilaw.

Tilang wala na ata lalabas

at sila'y nagpahinga na.

Waring si Lunang buwan

ay nagmamatyag sa mundo.

Habang ang mga bituin 

tila'y patay sinding mga ilaw.

Kalauna'y lumabas sila

mga de- kolereteng mga mukha.

Mga manok kung maglakad

at kinulang na mga retasong damit.

Animo'y pakitang motibo 

sa gabi ang trabaho.

Mapapaisip ka nalang

tanong ay saan pupunta.

Sa paglakad may katagpuan 

at sa tabi nalang lumugar.

Paguusap ay natapos

at tila'y milagro nagaganap.

Sa pagtapos, si Eba

ay may pera sa palad.

Habang ang iba'y naghihintay

sa sulok na madilim.

Iba ay umuungol 

tila'y kinikiliti lang.

Magdamagay paulit- ulit

tila'y sanayan na lamang.

Mahimbing natutulog ang iba

samantala sila'y gising p.

Magugulat ka nalang 

waring pagod sa umaga.

Waring kinaugalian na 

buhat ng kahirapan.

Panandaliang sarap

kapalit na lang ng salapi.

Gagawin ang lahat 

pati dignidad madungisan.

Pera mula sa libog

papunta sa makating palad.

Panglabas na kaakit- akit

kadungisan ng pagkatao.

Saglit na kiliti lamang 

kapirasong kapalit ang sukli.

Tila lipuna'y nilamon

kakitiran ang gawain.

Masunod ang pagkalam ng tiyan

kapit naman sa patalim.

Lito sa tama at kamalian

kahirapan ang sanhi.

Ano nangyari Eba?

Nasaan ka ngayon?

Pinaglilingkuran ang makitid na Adan

nagpapatapak nalang basta.

Kaawa- awang mga nilalang 

mga puta na lamang.
~Macbeth