Bakit ganon?

Bakit ganon? Sa buhay ng tao

may darating may aalis.

May magpapasaya may magpapalungkot

may yayakap may tutulak sayo.

May lalapit may lalayo sayo

ganito ba ang nakatakda sa buhay ng tao?

Bakit ganon? Sa dinami- dami ay ako pa 

sa mga nabubuhay sa mundo ay ako pa.

Sa mga masasama at madamot ay ako pa

sa mga tampalasan at lapastangan ay ako pa.

Sa mga ganid at mapang-abuso ay ako pa

ako na nga ang nagmahal ako pa ang nawalan.

Bakit ganon? Ang mga pangako'y napapako

ang mga iniala'y nawawalan ng saysay.

ang mga nananatili ay lumilisan 

ang mga hinahawakan ay kumakawala.

ang mga nasisimulan ay natatapos

at ang mga permanente ay nagiging pansamantala.

Bakit ganon? Sa nagdaang panahon 

tayo'y nagkasama at nagmahalan. 

Animo'y sa lapit at higpit di mapaghihiwalay

sa mga tinginan ramdam ang isa't isa.

Ang iyong mga halik aking lasap

at ang iyong presensya'y aking lagi pantasya. 

Bakit ganon? Walang araw na di ka inisip

walang araw na di ka inalala.

Mga araw na di ka kasama

pangungulila at kasabikan kang mahagkan.

Mayakap at maramdaman ka 

puso't isipa'y kapanatagan ang ramdam.

Bakit ganon? Aking kinakatakuta'y dumatal

tila sa bilis sibat na tumarak sa'king puso.

Naghalong balat sa tinalupan at lungkot ay nagisa

nabuhay ang apo'y sa sulo ng aking mga mata.

Kasabay nang nagaalimpuyong damdamin 

at pagusbong ng kadiliman sa aking isipan. 

Bakit ganon? Kasama ng pagbugso

ang mga tanong sa aking balintataw.

Hindi magtagpo ang mga dulo sa katapusan

mga pising putol- putol ay di ko mapagdutong.

Sa lapit at sa layo'y di ko maaninagan

sa aking isipan di ko makuha ang kasagutan.   

Bakit ganon? Sa pagharap sa salamin

kamalian di ko makita.

Sa pagdilat ng mga mata ko 

kaharap ang mga larawaan natin. 

Sa pagbagtas ng mga mata sa kalayuan 

hanap- hanap ang di makita.

Bakit ganon? Hinawi at nilabanan ko lahat

ngunit ito pala ang papaslang sa akin.

Kaya ko banggain ang mga pader

ngunit ito pala ang magpapahinto sa akin.

Kaya ko saluhin ang lahat

ngunit ito pala ang magbabaon sa akin sa lupa.

Bakit ganon? Tiniis ko ang lahat

ngunit ito ang di ko kayang tanggapin.

Kinain ko lahat ng kahihiyan 

ngunit ito ang di ko kayang sikmurain.

nilabanan ko ang lahat

ngunit ito ang di ko kayang harapin.

Bakit ganon? Kahapon lang mahal mo ako

magkahawak ating kamay wasiwas sa hangin.

Kasabay nang ating pangarap 

tayong dalawa'y magkasama'y mamumuhay. 

Magkayakap sa tuwina tanda di mapaghihiwalay

ano mang unos ang dumating pagibig di matitibag.

Bakit ganon? Sa aking pag-gising 

naglaho ang lahat ng biglaan. 

Sa aking pagkakahagkan ika'y kumawala

hanap- hanap kita pangalan mo'y sambit.

Nasaan ka na oh aking mahal

bakit mo ako iniwang nagiisa.

Bakit ganon? Sa iyong paglisan 

inakala ko ika'y magbabalik.

Sa iyong paglalakad ika'y 

hindi na bumalik pa sa akin.

Paano na ang puso ko nagmamahal

kung ikaw na aking kabiyak ay wala na.

Bakit ganon? Mahimbing na natutulog

tahimik na siyang umaalis.

Kasaba'y ng panaginip ika'y naglalaho

sa aking pag-gising luha'y umagos.

Habang basa- basa ang liham na siyang

paulit -ulit ako'ng pinapatay.

Bakit ganon? Sa aking paghabol

ika'y hinanap natagpuan ka'ng masaya.

Iyong mga ngiti'y umaabot sa kalangitan

ibang- iba sa ating pagsasama. 

Waring walang nangyari sa atin

sa iyong mukhay walang bakas ng kahapon.

Bakit ganon? Iba ka sa dating ikaw 

malayo ka na sa mahal ko kahapon.

Kasabay ng pagdurog mo sa puso ko

ang kasiyahan mo'ng nadarama.

Marahil sa mga nakikita ng mga mata ko

masaya ka na sa kandungan ng iba. 

~Macbeth

Kabataan sa kasalukuyan.

                                             

                                       Marami sa panahon ngayon ang nakakaranas ng iba't ibang mga karanasan sa paligid pati narin sa loob ng ating mga tahanan. Kahit mapa-kaibigan, mapa-magulang at mapa-sino pa man ay marami- rami na tayong mga karanasan na kabilang sila. Ngunit may ideya ka ba sa panahon natin ngayon kung ano ang madalas nababalita sa ating kapaligiran patungkol sa kabataan? Batid mo ba ang mga nararanasan nila sa loob at sa labas ng kanilang tirahan na halos laman ng balita? Marami sa kabataan ngayon ay nakakaranas ng hindi magandang pagmamaltrato sa kanila. Kahit sa loob o mapa-labas man ng tirahan. Lubhang nakakabahala sa ating panahon kahit noon pa man na laganap ang mga ganitong balita. Buhat ng mga pangyayaring ito, malaki ang epekto nito sa mga nanakaranas ng hindi maganda ng kabataan sa pisikal maging sa pag-iisip ng isang bata. Gaya nalang ng pabalik balik na pangyayari sa kanilang isipan naka-epekto sa kanilang ugali maging sa kanilang mga kilos.

Isang halimbawa ang mga pangyayaring lubhang hindi makalimutan na karanasan sa pamilya. Tulad na lang ng hindi magandang pagtatrato sa kanila ng tama. Tulad na rin ng mga pangyayaring hindi pagkakasundo ng mga magulang na may malaking epekto sa mga anak. Sa mga nabanggit, ito ang madalas nagiging dahilan kung bakit ang kabataan ngayon ay nakakaranas ng depresyon. Marahil dahil sa hindi nila lubusang tanggap o hindi talaga katanggap tanggap sa kanilang sarili na mangyayari ang mga ganong mga bagay o pangyayari. Marami rin ang naitatala na kabataan ang nakakaranas ng mga ito sa kanilang tahanan sa pamilya. Lumalabas dito na malaki talaga ang impluwensya sa isipan ng kabataan kung ano ang nagaganap sa loob ng tahanan partikular sa pamilya. Kaya sa mga magulang mahalaga na laging isipin ang magiging epekto ng kanilang mga galaw at kilos sa kanilang mga anak. 

Sa loob naman ng eskwelahan, halimbawa ng pangbubully ng mga estudyante sa kanilang kapwa estudyante. Nakakaranas ang ibang kabataan ng mga negatibong pagiisip sa kanilang sarili dahil sa epekto ng kanilang paligid tulad na ngalang ng pangbubully. Sa pangbubully natatapakan ang pagkatao ng isang tao dahil sa mga paratang na hindi maganda sa kanila. Tulad na lang ng pambabansag ng mga pamimintas na palayaw, pangungutya sa pisikal na kaanyuan, sa mga pagkakamali at iba pa. Dahil dito bumababa tuloy ang kanilang kumpyansa sa sarili at nagsasanhi sa hindi na pagpasok sa eskwela. Marami ang naitatalang mga sitwasyon na ganyan dahil sa pang-bubully. Marahil hindi na maiiwasan ang pangbubully na nagiging aliwan ng mga estudyante sa eskwelahan ngunit hindi ito rason para ipasawalang tabi ang mga ganitong sitwasyon. Dahil ang eskwelahan ang pangalawang tahanan na gumagabay sa bata tungo sa tuwid na daan na paroroonan ng bata. 

Sa mga nabanggit iyon lamang ang sa maraming dahilan at sanhi kung bakit nakakaranas ng negatibong nararamdaman ng kabataan kung kaya lumalaganap ang mga ganyang sitwasyon na sinasawalang tabi na ngalang. Tandaan natin ang kapaligiran ay may malaking epekto sa buhay partikular sa kilos at pagiisip ng isang bata.  Kadalasan ang nangyayari sa kabataan ngayon ay ang pagtatangkang pagpapakamatay ng kanilang sarili. Dulot ng mga pangyayaring hindi nila lubusang tanggap tulad ng hindi magandang pangyayari na pilit bumabalik sa kanilang isipan na sanhi ng madilim na kahapon ng minsan na nilang napagdaanan. Paano na ang pag-asa ng bayan kung hindi natin sila kayang protektahan at respetuhin na patuloy na minamaltrato at inaabuso. Bakit hindi natin subukan labanan ang mga taong walang humpay na ipinararanas ang mga ganitong bagay sa kabataan. Ang mundo ay maganda iparanas natin ang kagandahan ng mundo sa kanila. Hahayaan nalang ba natin sila na mabuhay ng may takot at pangamba.

Ikaw na nga.

Pagsilay sa kagandahan

kasabay kislap ng mga mata.

Waring ika'y bulaklak

sa hardin aking paningin.

Sulyap sa iyong mukha 

tila'y nakakaginhawa.

Mga matang nakakaakit 

at labing kay sarap.

Wala ng babae ang tatalo

dahil ika'y nangingibabaw.

Mga salitang sambit

ikaw ang laging laman.

Isa kang diyosa sa akin

masilayan ka lamang sapat na.

Pasasalamat kung iyong mapansin

ang isang tulad kong sawi,

kagalakan ang makilala ka

hiling ko'y mapalapit sayo.

Tila'y nahulog na ako

sa mapang-akit na Eba.

Ako ang iyong Adan 

at ikaw ay akin lamang.

Ako'y sayo magpakaylaman

dahil taglay pag-ibig na wagas.

Ika'y aking pantasya

ikaw lagi ang hanap.

Sa pagsulat at pagbigkas

pangalan mo'y kasama.

Isang katulad kong sawi

tila'y nabihag mo nga.

katuparaan ng aking hiling

Bathala'y dininig.

Wala nang nanaisin pa

ang makasama ka lamang.

Kagalakan ang nadarama

ang pusong nagbubunyi.

Sinakluban ng kahapon

ngayo'y langit na kasiyahan.

Di mo alam gaano ang saya

makilala ka sa buhay ko.

Buhay kong sawi lahat

mayroon pa palang natira.

Aking giliw aking sinta

ikaw nawa ang pagtugon.

Matagal ko nang hanap hanap

natagpuan na nga kita.

Aking anyaya iyong tupdin

para sa aking pusong sawi.

Bahid ng masakit na kahapon

baon ng hinanakit kong tago.

Hikahos ng aking damdamin

kasabay pagtangis ng mga mata.

Saksi ang mga gabi

sa mga luhang ipinadadaan.

Sa pagtulog nagbabalik

multo ng hinanakit.

Napawi ang lahat

sa iyong pagdating.

Kalooban nabuhayan

sambit ko'y ikaw na nga. 

~Ellen

Pusong sawi.

Bakit ang bilis mong nawala?

Mula sa pagkakahagkan ay kumawala.

Bakit ikaw pa ang umalis?

Iniwan mo akong nag-iisa.

Bakit ganon nalang kadali?

kung iwan mo ako ganon nalang.

Bakit ang tanong sa isipan

binulabog hanggang balintataw.

Sa pag-aalala ikaw lagi

waring ikaw nalang hanap- hanap.

Puso'y dinurog paunti - unti

tanong ko nasaan ka na?

Wala ng saysay ang lahat

sapagkat ika'y wala na.

Gustuhing maibalik ang dati

ngunit parang huli na.

Parang sinaksak mo ako 

sa lalim parang d gagaling.

Kalimutan ka man lang 

tila di kayang gawin.

Saan man lumingon 

ala- ala mo pa rin.

Wala na ata ang lahat

kung ikaw ay bumitaw na.

Parang akong baliw 

hanap- hanap ang di makita.

Banggit ang mga salita

na ako lang ang nakakadama.

Baliwala na talaga

dahil wala ka na.

Pagkakamaling di sinasadya

tinugunan ng hindi maganda.

Mga araw na tayo'y magkasama

kapalit masakit na hiwalayan.

Kaya't sariwang mga sugat

na tila'y di maghihilom.

Paano na ako ngayon?

Sawing palad sa pag-ibig.

kaylan ko kaya matatagpuan?

Babaeng bukod tangi sa puso.

Aalayan ng lahat

manatili ka lamang.

Kahit matagal ay maghihintay 

sa pagdating magbubunyi.

Mga pagkukulang pupunan

lahat gagawin para sayo.

Kakayanin kahit ano pa man

makuntento ka lang sa akin.

Mula sa sulok ng isipan

hanggang kalgagitnaan ng kalooban.

Pagpapatuloy ang pag- gunita

Mga ala -ala'y nangyari.

Masasaya o malulungkot man

dahil lahat pahahalagahan.

Umaasa na ikaw ay magbabalik

mayayakap ka muli.

Mararamdaman muli ang presensya

ang babaeng pinakamamahal.

Ngunit tila'y hanggang panaginip

dahil alam ko nasa ibang piling ka na.

~Macbeth